Plantun de Prouvènço

Pèr coumpara dos planto d'encò nostre

Caltha palustris & Salix reticulata

Gauche-d'aigo

Caltha palustris

Ranunculaceae

Àutri noum : Gauchet-d'aigo, Peirouleto, Bescuchèu, Erbo-dóu-marfoundemen.

Noms en français : Populage des marais, Caltha des marais.

Descripcioun :
Au nostre, lou gauche-d'aigo se vèi soulamen en mountagno que i'agrado lis endré fres e bagna. Douno un pau d'èr à l'auriheto, Ficaria verna, emé si flour jauno, pamens li fueio soun eici redouno, en couor à la baso, ço qu'a douna li noum de peirouleto (pichot peiròu) e de bescuchèu (pichot bescue).

Usanço :
La planto caup, coume lis àutris Ranunculaceae, de proutou-anemounino, pamens li jóuini fueio e flour podon èstre manjado. Autramen fau faire couire mant'un cop la planto o la faire seca. Èi counseiado pèr lucha contro lou mau d'os. Èi peréu sudourifico (erbo-dóu-marfoundamen), antispasmoudico e sedativo. Fretado sus la pèu levo la doulour e fai veni rouge (rubeficanto).

Port : Erbo
Taio : 15 à 60 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Caltha
Famiho : Ranunculaceae

Ordre : Ranunculales

Coulour de la flour : Jauno
Petalo : >6
Ø (o loungour) flour : 2 à 4 Cm
Flourido : Printems - Estiéu

Sòu : Ca
Autour basso e auto : 800 à 2300 m
Aparado : Noun
Abriéu à juliet

Liò : Riéu - Prado umido - Palun - Sourgènt
Estànci : Coulinen à Subaupen
Couroulougi : Bourealo
Ref. sc. : Caltha palustris L., 1753

Sause(-di-fueio-reticulado)

Salix reticulata

Salicaceae

Nom en français : Saule à feuilles réticulées.

Descripcioun :
Lou sause-di-fueio-reticulado es un di quatre sause nanet que trachisson dins lis Aup prouvençalo. Se recounèis majamen bonodi si fueio redouno o quàsi, peludo dessouto, e subretout emé de costo founso que ié dounon un èr reticula. Li catoun de flour, de 10 à 30 mm, e pourta pèr de long pecou, aparèisson pulèu tard dins la sesoun. I'agrado li relarg que soun resta de tèms souto la nèu.

Usanço :
Tóuti li rusco de sause caupon de salicino que douno d'acide salicilì dins lou cors, ço qu'ajudo à abeissa li fèbre.

Port : Pichoto planto lignouso
Taio : 3 à 10 cm
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Salix
Famiho : Salicaceae

Ordre : Malpighiales

Coulour de la flour : Roso
Petalo : ges
Ø (o loungour) enflourejado : 10 à 30 mm
Flourido : Printèms - Estiéu

Sòu : Ca
Autour basso e auto : 1600 à 2800 m
Aparado : Noun
Jun à avoust

Liò : Coumbo à nèu - Pelouso - Roucaio umido
Estànci : Subaupen à Aupen
Couroulougi : Bourealo
Ref. sc. : Salix reticulata L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Caltha palustris & Salix reticulata

ges

Coumpara Gauche-d'aigo emé uno autro planto

Coumpara Sause(-di-fueio-reticulado) emé uno autro planto